📷Photo:Skopje International Airport
Македонија се повеќе привлекува голем број на туристи, и тоа во периоди надвор од главните туристички сезони. Благодарение на соработката помеѓу Владата, тур-операторите и ТАВ Македонија, земјата успева да постигне успех во привлекувањето туристи и во периоди како февруари до мај и октомври до декември. Оваа година, се очекува околу 35.000 туристи да ја посетат Македонија во овие периоди, а со текот на времето бројот се очекува да расте.
Овој тренд ќе значи не само повеќе гости во хотелите и ресторани, туку и значителен придонес за локалната економија. Туристите ќе имаат можност да ја пробаат македонската кујна, вино и традиционални производи, додека ќе го истражуваат богатото културно и природно наследство на земјата. За Македонија, ова значи дополнителен поттик за развој на секторот туризам.
Во текот на оваа година, скопскиот аеродром ќе биде исполнет со редовни летови, со над 180 до 200 туристи што ќе пристигнуваат секој ден. Се очекуваат летови од германски градови како Хановер, Минхен и Берлин, како и од Обединетото Кралство (Лондон и Манчестер) и Франција (Париз, Лион, Марсеј). Од следниот месец, ќе започнат нови летови поддржани од владата, што ќе ја зголемат понудата на авио-врски.
Туризмот ќе се прошири и со нови директни летови до Охрид, од Истанбул и Базел, со планирано реновирање на терминалата на охридскиот аеродром. Со овие новини, Македонија ќе се позиционира како атрактивна дестинација за туристите, нудејќи им незаборавни искуства.
